هەواڵەكان

شێخ خەمیس خەنجەر سەرۆكی حزبی سیادە بانگهێشتێكی كەسایەتی و پیاوماقووڵانی بەڕێزی مشاهەدەی لە قەزای تارمیە قبووڵكرد و ئامادەی كۆنگرەیەكی جەماوەریی فراوان بوو كە بۆ پشتیوانیی حزبی سیادە و بەربژێرەكانی سازكرابوو.

شێخ خەنجەر لەلایەن هەزاران كەس لە لایەنگر و جەماوەری حزبی سیادە و پرۆژە سیاسییەكەی بۆ هەڵبژاردنی ئەنجومەنی پارێزگاكان پێشوازیكرا لەپێش هەموویانەوە شێخ عامر مەشهەدانی ئەمیری خێڵی مشاهەدە

لە كۆنگرەكەدا شێخ خەنجەر وتەیەكی پێشكەشكرد و تێیدا جەختیكردەوە لەوەی بەردەوام دەبێت لە هەوڵەكانی بۆ هێنانەدیی خواستەكانی خەڵكی تارمیە لەڕووی ئاسایش و سەقامگیریی لە هەموو ئاستەكاندا و دووبارە پابەندبوونی خۆیی ڕاگەیاند بە پرۆژەكەی كە پەیوەستە بە داوای مافە ڕەواكان و سووربوون لەسەر پەلەكردن لە پەسەندكردنی یاسای لێبووردنی گشتی و چارەسەركردنی دۆسیەی ئاوارەكان.

هاوكات هەڵوێستی قارەمانانەی گەلی فەلەستین و خەباتەكەیانە دژی قەوارەی زایۆنی بیرهێنایەوە و داوای لە ئامادەبوان كرد سورەتی فاتیحە بۆ گیانی شەهیدانی غەزە بخوێنن.

شێخ خەنجەر ئاماژەی بە ڕۆڵی محەمەد شیاع سودانی كردەوە لە پشتیوانیكردنی دۆزی فەلەستین و دانانی عێراق لە پێگەی ئیقلیمی و نێودەوڵەتیی شایستەی خۆی لەڕێی چارەسەركردنی دۆخی عێراق تا دادوەری و ئاشتی لەنێوان هەموو پێكهاتەكانی گەلەكەیدا جێگیردەبێت.