هەواڵەكان

شێخ خەمیس خەنجەر سەرۆكی هاوپەیمانی سیادە ستایشی ئاراستەكردنی تۆمەتی ئەنجامدانی تاوانی جەنگ و تاوانی دژی مرۆڤایەتی كرد كە لەلایەن دادگای تاوانە نێودەوڵەتیەكانەوە ئاراستەی سەرۆكی حكومەتی قەوارەی زایۆنی و وەزیری بەرگریەكەی كراوە.

سەرۆكی هاوپەیمانی سیادە بڕیارەكەی دادگای بەسەركەوتنی بەهای دادوەری و یاسا و مافەكانی مرۆڤ ناوبرد و بە هەنگاوێكی دانا بەرەو كۆتایهێنانی لەدەستی سزادەرچوونی تاوانبارانی نێودەوڵەتی، جەختی لەوەیشكردەوە كە بەكارهێنانی سیاسەتی برسیكردن لەلایەن حكومەتی قەوارەی داگیركەرەوە دژی هاووڵاتیانی مەدەنی و كوشتنی ژن و منداڵ و ڕووخاندنی نەخۆشخانە و قوتابخانە و پەرستگاكان پێشێلكردنێكی ئاشكران و دەبێت لێپرسینەوە لە ئەنجامدەرانی بكرێت.

شێخ خەنجەر داوای لە هەموو ئەو وڵاتانەیش كرد كە سیستمی ڕۆمای بنەڕەتیان واژۆ كردووە هاوكاریی تەواوی یەكتری بكەن بۆ دەستگیركردنی ئەوانەی لەم تاوانانەوە گلاون و بیاندەنە دادگای نێودەوڵەتی، پێداگریی لەوەیش كرد كە ئەم هەنگاوە بناغەیەك دەبێت بۆ كۆتاییهێنان بە جەنگ و چەسپاندنی ئاشتی لە ناوچەكەدا.