هەواڵەكان

بەئامادەبونی شێخ خەمیس خەنجەر سەرۆكی هاوپەیمانی سیادە، هۆزی ئەلبوعیسا دیدارێكی ڕاوێژكاریان ڕێكخست كە شێخ و پیاوماقووڵان و كەسایەتیەكانی هۆزەكە ئامادەی بوون و لە میوانخانەی شێخ بەرەكات سەعدون عێفان كۆبوونەوە و باسیان لە ژمارەیەك پرسی تایبەت بە یەكێتی و ڕۆڵی كۆمەڵایەتی و سیاسی هۆزەكە كرد.

لە دیدارە ڕاوێژكاریەكەدا باس لە مێژوو و یەكێتی هۆزەكە و گرنگی ڕۆڵی بەردەوامی كرا لە پشتگیریكردنی عێراق و بەرەنگاربوونەوەی ئاڵنگاریەكان، بەتایبەت كە لەمێژووی دێرینیاندا چەندین كەسایەتی سەركردەیان لە بوارە جیاجیاكان هەبووە. شێخ خەنجەر ستایشی قوربانیە زۆرەكانی كردن كە هۆزی ئەلبوعیسا لە ڕووبەڕووبوونەوەی داگیركاری و گروپە تیرۆریستەكاندا پێشكەشی كردووە و جەختی كردەوە لە پێویستی شانازیكردنیان بە قوربانیەكانی باووباپیرانیانەوە.

لەمیانەی وتەكەیدا شێخ خەمیس خەنجەر جەختی كردەوە لە پێویستی یەكخستنی ڕیز و گوتار و ڕوونیكردەوە كە باوەڕبوون بە سەروەریی دەوڵەت و ڕێزگرتن لە یاسا و دەسەڵاتی دادوەری؛ ڕێگەی نموونەییە بۆ دەستەبەركردنی داهاتوویەكی باشتر بۆ عێراق و بەدیهێنانی ژیانێكی سەقامگیر و ئارام بۆ نەوەكانی ئێستا و ئاییندە.

لەكۆتایی وتەكەیدا شێخ خەنجەر سوپاسی شێخان و پیاوماقووڵانی هۆزی ئەلبوعیسای كرد بۆ یەكێتی و یەكگرتووییان و لە خوا پاڕایەوە هۆزەكەیان و هەموو هۆز و عەشیرەتەكانی عێراق سەربخات و خێر و خۆشی بۆ نیشتیمان و گەلەكەیان بێنێت.