هەواڵەكان

لەچوارچێوەی بەدواداچوونی دواگۆڕانكاریەكانی گۆڕەپانی عێراق، شێخ خەمیس خەنجەر سەرۆكی هاوپەیمانی سیادە لەبارەگای خۆی لە بەغدای پایتەخت؛ پێشوازیی كرد لە بەڕێز عەزیز ڕەبیعی سەرۆكی ڕەوتی هێڵی نیشتیمانی/ الخط الوطني.

لەدیدارەكەدا باس لە بایەخی هاوبەشیی بڕیاردان لەنێوان لایەنە سیاسیەكاندا كرا بەجۆرێك هەمووی بچێتە خزمەتی بەرژەوەندی گشتی و دابینكردنی خواستی ڕۆڵەكانی گەل بەهەموو مەزهەب و نەتەوەكانیەوە و جێبەجێكردنی پاكێجی ئەو ڕێككەوتنە سیاسیەی كە حكومەتی ئێستای لەسەر پێكهێنراوە بۆ سەلماندنی نیەتپاكیی لایەنەكان لەڕێی جێبەجێكردنی بەند و بڕگەكانیەوە و تازەكردنەوەی متمانەی عێراقیەكان بە نوێنەرەكانیان لە بەڕێوەبردنی دەوڵەتدا.

سەرۆكی هاوپەیمانی سیادە پشتیوانی خۆی بۆ ڕەوتە سیاسیە تازەپێكهێنراوەكان دەربڕی كە بەشدارییان لە شایستەیەكانی داهاتوو و ڕۆڵی لاوان هەبێت لە پێشكەشكردنی پرۆژە و بەرنامەی تازەكردنەوەی خوێنی ژیانی سیاسی و گشتیدا، جەختی كردەوە لە سیاسەتی كرانەوە بەڕووی هەموو لایەنەكان و پێشكەشكردنی ڕەوتەكان وەك هێڵی نیشتیمانی كە هاوبەشێك بن لە كایەی سیاسیدا.