هەواڵەكان

شێخ خەمیس خەنجەر سەرۆكی هاوپەیمانی سیادە لەبارەگای خۆی لەبەغدا پێشوازی كرد لە ئیسماعیل نەجم سەرۆكی بزوتنەوەی عەدل و ئیحسان و شاندی یاوەری.

لەسەرەتای دیدارەكەدا سەرۆكی بزوتنەوەی عەدل و ئیحسان سەركۆنەی بەئامانجگرتنی شێخ خەنجەر و هەوڵدان بۆ پەراوێزخستنی سەركردەكانی سوننەی كرد كە خەمی خەڵكی خۆیان خستووەتە سەرشانیان و داوای مافەڕەواكانیان دەكەن، وایدانا كە ئامانجگیریەكە بەئامانجگرتن و پەراوێزخستنی هەموو پێكهاتەی سوننەیە.

لایخۆیەوە شێخ خەنجەر جەختی كردەوە لەبەردەوامیدان بەو كاروانەی كە نەخشەی بۆداناوە لە داواكردنی مافەكانی خەڵكەكەی لە ئاوارەكان و ونكراوەكان و دەستگیركراوە بێتاوانەكان و لایەنگیریی مەسەلە ڕەواكان بێگوێدان بەهەموو ئەو هەوڵانەی كە سوورتری دەكەن لەسەر داواكردنی مافی پارێزگا ئازادكراوەكان.