هەواڵەكان

لەمیانەی گەشتەكەیدا بۆ پارێزگای نەینەوا و بەیاوەری ژمارەیەك لە بەرپرسانی حكومەت، شێخ خەمیس خەنجەر سەرۆكی حزبی سیادە سەردانی میوانخانەی پەرلەمانتاری حزب شێخ لەتیف وەرشانی كرد كە سەدان كەس لە ڕۆڵەكانی هۆزی حەدیدیەكان و پیاوماقوڵانی پارێزگاكە ئامادەی بوون و لەگەڵیاندا تاووتوێی داواكاریەكانیان و ئاڵەنگاریەكانی ئەم قۆناغەی كرد.

شێخ خەنجەر بۆ ئامادەبوانی ڕوونكردەوە كە حزبی سیادە بەهەموو سەركردە و پەرلەمانتارەكانیەوە درێژە بە هەوڵەكانی دەدات لەپێناو ئامادەكردنەوەی ناوچە زیانلێكەوتووەكان و گێڕانەوەی باقی ئاوارەكانیان و هەوڵدەدەن بۆ گەیشتن بە شێوازی كۆتایی بڕیاری لێبووردنی گشتی و ئازادكردنی بێتاوانەكان، هەروەها ئاشكراكردنی چارەنووسی ونكراوەكان و دەستەبەركردنی مافی خێزانەكانیان.

لایخۆیانەوە شێخ وەرشان و ئامادەبوان سوپاسی سەرۆكی حزبی سیادەیان كرد بۆ هەوڵەكانی كە دەچنە خزمەتی نیشتیمانەوە بەهەموو بوارەكانیەوە، سەردانەكەی و گوێگرتن لە بیروڕاكان و دابینكردنی پێداویستیەكانیان لەهەردوو لایەنی خزمەتگوزاری ئابوریدا بەرزنرخاند.