هەواڵەكان

شێخ خەمیس خەنجەر سەرۆكی حزبی سیادە سەردانی دەزگای “منداڵێتی بەختەوەر”ی لە موسڵ كرد و لەهەوڵە مرۆیەكانی دەزگاكەی كۆڵیەوە كە بۆ پشتگیری منداڵانی بێ دایك و باوك و خاوەن پێداویستی تایبەت دەیدەن.

لەمیانەی سەردانەكەیدا، شێخ خەنجەر لەگەڵ بەرپرس و كارمەندانی دامەزراوەكەدا كۆبووەوە و لە ئەرك و خزمەتگوزاریەكان ئاگاداربوو كە دامەزراوەكە پێشكەشی دەكات لەگەڵ ئەو كێشانەی ڕووبەڕووی دەبنەوە و بەشداریی ئاهەنگێكی كرد كە بەبۆنەی لەدایكبوونی پێغەمبەرەوە ڕێكخرابوو و چەندین چالاكی و نمایشی منداڵانی سەر بە دامەزراوەكەی تێدا پێشكەشكرا.

لە وتەیەكدا شێخ خەنجەر سەختیەكانی ژیانی منداڵانی غەزە و ئەو كوشتارانەی باسكرد كە ئیسرائیلی داگیركەر دەرهەق بە منداڵان دەیكات، ئاماژەی دا بەو پێشێلكاریانەی كە لە لوبنان ئەنجام دەدرێن، هەروەك داواكاری و تێچووی هەموو پێداویستیەكانی دامەزراوەكەی گرتە ئەستۆی خۆی. ئیدارەی دامەزراوەكەیش ڕایگەیاند كە شێخ خەنجەر دیاریی قوتابخانەی پێشكەش بە دووهەزار منداڵی بێ دایباب و خاوەن پێداویستی تایبەت كردووە بە بۆنەی دەستپێكردنی ساڵی نوێی خوێندنەوە.

لەكۆتایی سەردانەكەدا، بەرپرسانی دەزگای “منداڵێتی بەختەوەر” سوپاسی شێخ خەنجەریان كرد بۆ پشتیوانی و ئامادەبوونی، جەختیشیان كردەوە لە بایەخی بوونی ئەمجۆرە دامەزراوانە لە كۆمەڵگەدا بۆ برەودان بە بونیاد و پێشكەوتن و پێكەوەیی مرۆیی، شێخ خەنجەریش ستایشی هەوڵی كارمەندانی دەزگاكەی كرد و داوای لە هەموان كرد پشتگیری كاری خێرخوازی و مرۆیی بكەن.