هەواڵەكان

شێخ خەمیس خەنجەر سەرۆكی حزبی سیادە دڵخۆشی و شانازیی خۆی دەربڕی بەو سەركەوتنە گەورەیەی لە دیداری دەرچوانی دامەزراوەی خەنجەر بەدیهات كە دەستەبژێرێكی سەركەوتوو لە كوڕ و كچە خوێندكارەكانی تێدا كۆبوونەوە لەوانەی ئەمڕۆ بەشداردەبن لە بونیادنانی نیشتیمان و خزمەتی مرۆڤدا.

 شێخ خەنجەر وتی:"زۆر دڵخۆشین كە دەبینین ئەم دەرچوانە بوون بە ئوستاز لە زانكۆكان و پزیشك لە نەخۆشخانەكان و كار دەكەن لە وەزارەت و دامەزراوەكاندا" جەختی لە پابەندبوونی دامەزراوەی خەنجەریش كردەوە؛ كە لەساڵی 2004دا دامەزراوە، بە وەبەرهێنان لە مرۆڤ و گەشەپێدانی وزە و تواناكانی بۆ خزمەتكردنی عێراق و خەڵكەكەی.

شێخ خەنجەر دەستپێكردنی وەجبەیەكی تازەی لەژێر ناونیشانی وەجبەی "غەزە شانازیە" ڕاگەیاند كە دەرفەتی ناردن و وەرگرتنی خوێندكاری نوێ دەڕەخسێنێت بۆ خوێندنی یەكەمین و باڵا لەناوخۆ و دەرەوەی عێراق، ئەمەیش ڕێڕەوی خوێندن و هەستانەوە بەتوانا زانستیەكان دەستەبەردەكات.