هەواڵەكان

شێخ خەمیس خەنجەر سەرۆكی حزبی سیادە پێشوازیی كرد لە سەركردەكانی سیادە لە پارێزگای نەینەوا بۆ تاووتوێكردنی دۆسیەی موسڵ و كاری حكومەتی خۆجێی و ئامادەكاریەكانی قۆناغی داهاتوو.

لە كۆبوونەوەكەدا شێخ خەنجەر جەختی كردەوە لە گرنگیی پاراستنی ناسنامەی نەینەوا و كۆتایهێنان بە هەموو پەراوێز و كەنارخستنێك كە زیانی بە پارێزگاكە و خەڵكەكەی گەیاندووە و كەمتەرخەمی نەكردن بەرامبەر هەوڵەكانی دەستبردن بۆ ناسنامەی مێژوویی شارەكە لەپێناو پاراستنی پێكهاتەی كۆمەڵگەیی بە مەزهەب و نەتەوە جیاجیاكانیەوە.

ئامادەبوان باسیان لە دۆسیەی پەیوەندگیریی لەگەڵ جەماوەری حزبەكە كرد لە هەموو قەزا و ناحیەكانی پارێزگارەكەدا، سەرۆكی سیادە پێداگریی كرد لەسەر پێویستیی دیاریكردنی كەسانی لێوەشاوە كە جێی ڕەزامەندیی ناوچەیی و عەشایەری بن وەك خۆئامادەكارییەك بۆ شایستەكانی داهاتوو، سەركردە و پەرلەمانتار و ئەندامانی ئەنجومەنی پارێزگای نەینەوا كە ئامادەی كۆبوونەوەكە بوون؛ پابەندبوونی خۆیان بە سیادە و هاودەنگییان لەگەڵ بنەماكانی ڕاگەیاند لەپێناو موسڵ و مێژوو و داهاتوویدا.