هەواڵەكان

شێخ خەمیس خەنجەر سەرۆكی حزبی سیادە جەختی لە بایەخی شۆڕشی گەورەمان حسێن "خوای لێڕازیبێت" كردەوە و ئاماژەی بەوەدا كە ئەم شۆڕشە ئەوسا و ئێستایش هێما بووە بۆ مافەكان و دادوەری و ویژدانی ستەملێكراوان.

شێخ خەنجەر ئاماژەی بەوە كرد كە شۆڕشەكەی ئیمام حسێن ڕەتكردنەوەی ستەم و گەندەڵیی بووە بە هەموو جۆرەكانیانەوە، خۆی و هاوەڵانی نموونەیەكی مەزنیان لە ئارامی و چەسپاندنی بنەماكان پێشكەش كردووە، داوای كرد لەم مانگی موحەڕەمەدا یاسای لێبووردنی گشتی هەمواربكرێت بۆ ئازادكردنی ئەو بێتاوانانەی كە بە سزای ناڕەوا ستەمیان لێكراوە بەهۆی هەواڵدەری نهێنی و بەزۆر و بە ئەشكەنجەدان ئیعتیرافیان پێكراوە.

هەروەك شێخ خەنجەر پێداگریی كردەوە لەسەر پێویستیی بیرهێنانەوەی غەزە و دانیشتوانە خۆڕاگرەكەی بەڕووی ئامێرەكانی كوشتن و تاوانەكانی زایۆنیزمدا، ستایشی ئارامی و خۆڕاگرییانیشی كرد كە درێژكراوەی خۆڕاگری و خەباتی پێغەمبەرە درودی خوای لەسەربێت.