هەواڵەكان

شێخ خەمیس خەنجەر سەرۆكی هاوپەیمانی سیادە، لەگەڵ ڕەجەب تەیب ئەردۆغان سەرۆكی توركیا باسیان لە چەندین دۆسیەی هاوبەشی نێوان عێراق و توركیا كرد وەك دوو وڵاتی دراوسێ‌.

دیدارەكەی شێخ خەنجەر و ئەردۆغان كە لە ئەنقەرە بەڕێوەچوو، لەمیانەی سەردانی شاندێكی فەرمیی عێراقیدا بوو بۆ توركیا كە ژمارەیەك لە سیاسەتمەدارانی عێراقی لەخۆگرتووە.

هەردوولا پێشهات و گۆڕانكارییەكانی ناوچەكە و جیهانیان تاووتوێكرد و باسیان لە مەسەلە هاوبەشەكانی جێی گرنگیپێدانی هەردوولا كرد، هەوەرها جەختكرایەوە لەسەر پێویستیی پەرەپێدان و پێشخستنی پەیوەندییەكان و هاوكاریكردنی یەكتر لە بوارە جیاجیاكاندا.

دید و تێڕوانینەكانی شێخ خەنجەر و ئەردۆغان بۆ چارەسەركردنی زۆربەی كێشە هەڵپەسێردراوەكانی ناوچەكە، لەیەكەوە نزیكبوون.