هەواڵەكان

شێخ خەمیس خەنجەر سەرۆكی حزبی سیادە لە بارەگای خۆی لە بەغدا، پێشوازیی كرد لە شێخ دكتۆر حامد عەبدولعەزیز شێخ حەمەد سەرۆكی كۆمەڵەی ڕابیتەی زانایان لە عێراق و پێشنوێژ و وتارخوێنی حەزرەتی مەعروفی كەرخی.

لەدیدارەكەدا باس لە دۆخی حەزرەتی مەعروفی و تەواوی مزگەوتەكانی بەغدا و پێداویستیەكانیان كرا بۆ درێژەدان بە دەعوەی یەزدانی و بەرەنگاربوونەوەی بیروباوەڕی توندڕەوی بۆ پاراستنی بنەما و ئەحكامە شەرعیەكان دوور لە لێكدانەوەی مەبەستدار و شێواندنیان.

میوانەكان سوپاسی شێخ خەنجەریان كرد لەبەرامبەر پشتگیریكردنی بەردەوامی بۆ پتەوكردنی ڕۆڵی زانا و شێخەكان لە پاراستنی ناسنامەی ئیسلامی و ڕێنمایە پیرۆزەكانی ئاییندا و تەئكیدكردنی لە گوتاری میانڕەوانە و هاندانی بۆ نەهێشتنی ناكۆكیەكان و بایەخی یەكخستنی ڕیز و گوتار.