هەواڵەكان

شێخ خەمیس خەنجەر سەرۆكی حزبی سیادە، لە بەغدا پێشوازیی كرد لە ئەندامانی فراكسیۆنی موبادەرە بەسەرۆكایەتی پەرلەمانتار زیاد جەنابی؛ بۆ گفتوگۆكردن دەربارەی ڕێگەكانی یەكلاكردنەوەی قەیرانی بۆشایی پۆستی سەرۆكی پەرلەمان و دواگۆڕانكاریەكانی بزافی سیاسی و ئەو دیالۆگانەی ئێستا لەگەڵ لایەنە سیاسیەكانی دیكەدا دەكرێن.

ئەندامانی فراكسیۆنی موبادەرە بەرەوپێشچوونەكانی پەیوەست بە هەڵبژاردنی سەرۆكی ئەنجومەنی نوێنەرانیان بۆ شێخ خەنجەر باسكرد و شێخ خەنجەر ستایشی هەوڵەكانیانی كرد بۆ چارەسەركردنی قەیرانەكە و دەستپێكردنەوەی كاری پەرلەمان، جەختیشی كردەوە لە بایەخی جێگیریی دامەزراوەی یاسادانان و بۆ گێڕانی ڕۆڵی یاسایی و چاودێریكردن بە كارایی.

شاندی میوان ڕۆڵی شێخ خەنجەریان بەرزنرخاند لە یەكخستنی دیدوبۆچوونەكان و یەكخستنی ڕیزەكان بۆ دەربازبوون لە دۆخی داخراویی سیاسی، هەروەها دەستخۆشیی ئەو دەستپێشخەریەیشیان لێكرد كە هەفتەی ڕابوردوو پێشنیاری كرد بۆ چارەسەركردنی قەیرانەكە و جێبەجێكردنی پاكێجی ڕێككەوتنە سیاسیەكە بۆ هێنانەدیی داخوازیی خەڵكی ناوچە ڕزگاركراوەكان.