هەواڵەكان

شێخ خەمیس خەنجەر سەرۆكی حزبی سیادە هۆشداریی دا لە بڵاوبوونەوەی برسێتییەكی ڕاستەقینە لەناو دانیشتوانی باكووری غەزەدا بەهۆی بەردەوامیی شەڕ و گەمارۆوە و جەختی كردەوە كە ئەم هۆشدارییانە وەك دوا زەنگی ئاگاداركردنەوە وایە بۆ هەموو وڵاتان و ڕێكخراوە مرۆییەكان.

هەروەك شێخ خەنجەر ئاماژەی بەپێویستیی هەوڵە ئیقلیمی و نێودەوڵەتیەكان كرد بۆ كردنەوەی دەروازە و ڕێڕەوە ئاسمانییەكان بۆ گەیاندنی خۆراك لەپێناو ڕێگرتن لە تیاچوونی هەزاران منداڵ و ژن و كەسانی بەتەمەن لەبرس و نەخۆشیدا و جەختی كردەوە كە بەرپرسیارێتیەكە لەم بارەیەوە هاوبەشیی هەموانە و پێداگریی لە بایەخی جووڵەی خێرا و بەپەلەكرد بۆ گەیاندنی پشتیوانیی پێویستی مرۆیی بۆ دانیشتوانی غەزە.

هەروەها شێخ خەنجەر دووپاتیكردەوە كە پێویستە هەوڵە مرۆییەكان هاوتای هەمان گرنگیدان بن بە نێوەندگیری و گفتوگۆكانی تایبەت بە ڕاگرتنی دوژمنكاریی سەر غەزەی خۆڕاگر و داوای لە هەموو لایەك كردەوە بەرپرسیارێتی لەئەستۆبگرن و كاربكەن بۆ ڕزگاركردنی گیانەكان و كەمكردنەوەی نەهامەتییە مرۆییەكان لە كەرتی غەزە.