هەواڵەكان

بۆ لابردنی لەمپەرەكانی بەردەم پێكهێنانی حكومەتی خۆجێیی لە پارێزگای كەركوك، شێخ خەمیس خەنجەر سەرۆكی حزبی سیادە، ئامادەی ئەو كۆبوونەوەیە بوو كە محەمەد شیاع سودانی سەرۆك وەزیرانی عێراق سەرۆكایەتی كرد و سێیەم كۆبوونەوەی لایەنە سیاسیەكانی نوێنەری پێكهاتەكانی پارێزگاكە بوو كە لەناو ئیئتیلافی ئیدارەی كەركوكدان.

ئامادەبوان هەوڵ و ڕاوێژەكانی خۆیان خستەڕوو بەئامانجی پەسەندكردنی پاكێجی ڕێككەوتنی سیاسی و شێوازی پێكهێنانی حكومەتی  خۆجێی بەپێی یاسا؛ بۆ پاراستنی ڕایەڵەی كۆمەڵگەیی و پێكەوەژیانی ئاشتییانە كە كەركوكی پێدەناسرێتەوە و دوور لە هەر پەراوێز و كەنارخستنێك كە خزمەتكردنی هاووڵاتیان پەكدەخات و كاروانی ئاوەدانی ڕادەگرێت.

شێخ خەنجەر جەختی كردەوە لە دووركەوتنەوە لە هەر بێنەوبەرەیەك كە ببێتە هۆی دواخستنی كاری ئەنجومەن و تێكدادنی دۆخی ئەمنی و سیاسی كە بەخراپ بەسەر خواستی ڕۆڵەكانی كەركوكدا دەشكێتەوە، هەروەها پێویستیی پێشخستنی ئەو ڕێككەوتنەی كە كۆبوونەوەكەی لێبەرهەمهات بۆ نزیكبوونەوەی دانیشتنی ئەنجومەنی پارێزگاكە و دەستكردن بە ڕێكارە دەستووریەكانی پێكهێنانی حكومەتی خۆجێی و پەسەندكردنی بەندەكانی ئەو كارتی ڕێككەوتنە سیاسیەی كە لایەنەكانی پێكهێنەری ئیدارەی دەوڵەت دایانناوە.