هەواڵەكان

بۆ بەردەوامیدان بە پتەوكردنی پەیوەندیەكانی نێوان عێراق و وڵاتانی ناوچەكە، شێخ خەمیس خەنجەر سەرۆكی حزبی سیادە لەبارەگای خۆی لە بەغدا پێشوازیی كرد لە بەڕێز سوڵتان بن موبارەك كوبەیسی باڵیۆزی قەتەر لەعێراق، بۆ گفتوگۆكردن دەربارەی دواگۆڕانكاریەكانی گۆڕەپانی سیاسی عێراق و دیارترین مەسەلە هاوبەشە ئیقلیمیەكان.

لە دیدارەكەدا ڕێگاكانی پێشخستنی پەیوەندیەكانی نێوان هەردوو وڵاتیان لە بوارە جیاجیاكانی ئابووری و سیاسی تاووتوێكرد كە خزمەت بە بەرژەوەندیی هەردوو وڵاتی برا بكات و كاردانەوەی ئەرێنیی لەسەر ناوچەكە هەبێت و قەیرانەكان چارەسەر بكات، بە ڕەچاوكردنی سەنگی قورسایی و ڕۆڵی گرنگی بەغدا و دەوحە.

لە كۆتایدا سەرۆكی حزبی سیادە سوپاسی دەوڵەتی قەتەری كرد لەپای هەڵوێستی مەردانەی مرۆیی بەرامبەر دۆزی فەلەستین و ڕۆڵی لە پشتیوانی گەلی فەلەستین لە هەموو بوارەكاندا و پابەندبوونی بەبنەما ئەخلاقی و یاسا نێودەوڵەتیەكان كە دەستدرێژیی زایۆنی لەسەر غەزە ڕادەگرێت و ئازادیی گەلان و مافەكانیان و ژیانێكی ئاشتیانە دەستەبەر دەكات.