هەواڵەكان

شێخ خەمیس خەنجەر سەرۆكی حزبی سیادە لەبارەگای خۆی، پێشوازیكرد لە ژمارەیەك لە ئەندامانی ئەنجومەنی بەغدا و بەرپرسانی یەكە كارگێڕیەكان لە بەرێوەبەری ناحیەكان و فەرمانگە خزمەتگوزاریەكانیان.

لەدیدارەكەدا باس لە میكانیزمەكانی بەرزكردنەوەی ئاستی خزمەتگوزاری و ڕیگەكانی پێشخستنی دامەزراوە خزمەتگوزارییەكان كرا لە ناوچە جیاجیاكانی پایتەختدا. ئامادەبوان باسێكی دورودرێژیان دەربارەی ئەركەكان و سنوورەكانی بەرپرسیارێتی پێشكەشكرد كە كاری فەرمانگەكانیانە، لەگەڵ پێویستی و داواكارییەكانیان بۆ بەردەوامیدان بە كاری خزمەتگوزاری، وەك دەركردنی ئەو یاسا خۆجێیانەی كە لەبەرژەوەندیی هاوڵاتین و كاركردن بەئاراستەی بنیاتنانی پرۆژەی ستراتیژی كە بتوانێت باری خزمەتگوزاریی باش بكات لە ناوچەكانی پایتەختدا بەتایبەت لە دەوروبەری بەغدا.

شێخ خەنجەر جەختیكردەوە لەسەر گرنگیی پەرەپێدانی خزمەتگوزاریە گشتیەكان و هەوڵدان بۆ كەمكردنەوەی نەهامەتیی هاوڵاتیان و چڕكردنەوەی هەوڵەكان و تەرخانكردنی پارەی پێویست بۆ بنیاتنانی پرۆژەی خزمەتگوزاری و چارەسەركردنی كێشە هەڵپەسێردراوەكان كە بەهۆی زیادبوونی ژمارەی دانیشتوانەوە لە ناوچەكانی پایتەختە خۆشەویستەكەماندا سەریانهەڵداوە.