هەواڵەكان

شێخ خەمیس خەنجەر ئەمینداری گشتی حزبی سیادە، هەڵمەتی "لێشاوی خێرە گەورەكە"ی دەستپێكرد بۆ یارمەتیدانی ئاوارەكانی جرف لصەخەر كە لە كامپەكانی عامریەی صمود لە پارێزگای ئەنبار جێگیركراون.

شێخ خەنجەر سەرپەرشتیی پرۆسەی دابەشكردنی یارمەتییەكانی كرد كە زیاتر لە ١٥٠٠ خێزانی ئاوارەی گرتەوە، هەروەها ژمارەیەك لە خێزانەكانی ناو كەمپەكەی بەسەركردەوە و گوێی لە خەم و داخوازییەكانیان گرت. سەردانەكەیشی بە ئیفتاركردن لەگەڵ خێزانێكی ئاوارەی كەمپی عامریەی صمود كۆتایی پێهێنا.

شێخ خەنجەر جەختی كردەوە لەسەر بەردەوامبوونی لە داواكارییەكەی دەربارەی مافەكانی ئەو خێزانە ستەملێكراوانە بۆ وەرگرتنەوەی مافەكانیان و گەڕانەوەیان بۆ ناوچەكانی خۆیان وەك زۆربەی ئەو ئاوارانەی كە كامپەكانیان جێهێشتووە و گەڕاونەتەوە بۆ ناوچەكانیان دوای فەراهەمبوونی دۆخی ئەمنیی تێیاندا.