مێژوو و ژیاننامە

سەركردەی حزبی سیادە و دامەزرێنەر و دەسپێشخەری سەركەوتووی مرۆیی

ژیاننامە

شێخ خەمیس فەرحان عەلی خەنجەر عیساوی، سەرۆكی حزبی سیادە (پارتی سەروەریی) لەدایكبووی ساڵی 1965ی شاری فەلوجەی سەر بە پارێزگای ئەنبارە لە عێراق. بڕوانامەی بەكالۆریۆسی لە ڕاگەیاندن و زانستی سیاسیدا هەیە. لە خێزانێكی موحافیزكاردا پەروەردە بووە كە بەشێكە لە (بیت المشیخە/پیاوماقووڵان)ی خێڵی ئەلبوعیسا. دوای ئەوەی خوێندنی ئامادەیی لە فەلوجە تەواودەكات لەتەمەنی 20 ساڵیدا دەچێتە بەغدا و لەوێوە ژیانی پیشەگەریی وەك بزنسمانێك دەستپێدەكات و بەڕێوەبردنی كۆمپانیاكانی خێزانەكەی دەگرێتەدەست. شێخ خەمیس خەنجەر چەندین دامەزراوە و ناوەندی خێرخوازی و فێركاری و سیاسیی دامەزراندووە، لەوانە دامەزراوەی خەنجەر بۆ پەرەپێدانی زانستی و سەنتەری توێژینەوەی ستراتیژی. لە كایەی سیاسییشدا، ساڵی 2010ی زایینی هاوپەیمانێتییەكی سیاسیی دامەزراند كە سەركەوتنێكی بەرچاوی لە هەڵبژاردنەكاندا بەدەستهێنا و لەگەڵ ئەوەیشدا وای بەباشزانیوە كە هیچ پۆستێكی حكومیی وەرنەگرێت. بەشداریی زۆر و جۆراوجۆری هەیە لە كایەی ڕۆژنامەوانیی عەرەبی و جیهانیدا و ئامادەییەكی كارا و چالاكیشی لە تۆڕە كۆمەڵایەتییەكاندا هەیە.