شێخ خەمیس خەنجەر سەرۆكی حزبی سیادە لە تویتێكدا لە تۆڕی كۆمەڵایەتیی“x” ەوە، پیرۆزبایی هاتنی مانگی ڕەمەزانی پیرۆزی لە گەلی عێراق و ئوممەی عەرەبی و ئیسلامی كرد  و وتی”ڕەمەزان پیرۆزبێت لە گەلی بەخشندەمان و ئوممەتی ئیسلامیمان، ڕۆژانێكی ڕەحمەت و لێبووردەیی بێت”.

هاوكات شێخ خەنجەر داوای لە ڕۆڵەكانی عێراق كرد هەموو ناكۆكییە سیاسییەكان چارەسەربكەن، تەركیزیشی خستە سەر پرسی مافەكانی مرۆڤ پەیوەست بە ڕاگوێزراوەكان و قەرەبووكردنەوەی زیانلێكەوتوان. جەختیشی كردەوە لە گرنگیی چارەسەركردنی پرسە  مرۆییەكان و ئاگابوون لە هەژار و نەداران لەم مانگە پیرۆزەدا.

وتیشی:”لەمڕۆژەدا خەڵكی غەزەمان لەبیناچێت كە خۆڕاگرانە بەرامبەر شەڕی زایۆنی و برسیكرنیان وەستاونەتەوە”، هیوای خواست مانگی ڕەمەزان دەرفەتێك بێت بۆ بەدیهێنانی ئاشتی و دادوەری لە هەموو لایەكی جیهاندا.