شێخ خەمیس خەنجەر سەرۆكی حزبی سیادە سەركۆنەی ئەو پەلامارە شەرمەزاریەی كرد كە كرایە سەر هاوینەهەواری سەلاحەدین لە پارێزگای هەولێر و بە كردەوەیەكی تیرۆریستیی ناوبرد.

لە تویتێكدا شێخ خەنجەر ئاماژەی بەوەدا ئەو پەلامارە پێش هەولێری سەقامگیر بەئامانجگرتنی بەغدای پایتەختە، چونكە ئاسایشی عێراق لە ئاسایشی كوردستاندایە و ناكرێت لەلایەن گروپگەلی لەیاسادەرچووەوە دەستیان بۆ ببرێت. 

جەختی لەوەیش كردەوە كە بێلایەنیی عێراق لە ململانێ‌ ناوچەیی و نێودەوڵەتییەكاندا بەرپرسیارێتیەكی پێكەوەیی ئەو هێزە سیاسیانەیە كە بڕوایان بە گفتوگۆ و دیپلۆماسیەت هەیە و دەبێت هەموان پشتیوانی هەڵوێستی حكومی بن لە پشتگیریكردنی عێراقێكی ئارام و سەقامگیردا.