شێخ خەمیس خەنجەر سەرۆكی حزبی سیادە بە بۆنەی هاتنی جەژنی نەورۆزەوە پیرۆزبایی لە گەلی كوردستان كرد و هیوای پێشكەوتن و ئارامیی زیاتری بۆ ئەم گەلە خۆشەویستە خواست.

شێخ خەنجەر داوای یەكڕیزیی نیشتیمانیی كرد لەنێوان هەموو پێكهاتە نەتەوەیی و سیاسیەكانی عێراقدا، جەختی لەوەیشكردەوە كە فرەیی و هەمەجۆریی كۆمەڵایەتی ڕاستییەكی مێژووییە و هەوڵدەدات بۆ وەدیهێنانی ویستی گەلان و پتەوكردنی یەكێتی و سەقامگیریی شارەكان.

هەروەك ئاماژەی دا بە گرنگیی بنیاتنانی ئاییندەیەك كە هەموان كۆبكاتەوە، لەژێر ڕەشماڵی گەورەی عێراق كە هەموو پێكهاتەكانی كۆمەڵگەی عێراقی لەخۆدەگرێت.