شێخ خەمیس خەنجەر سەرۆكی حزبی سیادە ستایشی هەڵوێستەكانی خەڵكی دیالەی كرد لە بەرەنگاربوونەوەی تیرۆر و ستەم و دوژمنكاری و هەوڵەكانی فیتنە و ئاژاوەنانەوە لەنێوان ڕۆڵەكانی نیشتیماندا.

هاوكات دەزگا ئەمنیەكانی پارێزگاكەی هاندا بۆ خزمەتكردنی هاووڵاتیان و كاركردن لەگەڵ هەموان لەسەر بنەمای هاونیشتیمانێتی چونكە ئەركی دەزگا ئەمنیەكان پاراستنی خەڵك و هاوكاریكردنیانە.

شێخ خەنجەر جەختی لەوەیش كردەوە كە خەڵكی دیالە بەهەموو ناوەكانیانەوە كەسوكاری تایبەتی خۆین و جێی بایەخی ڕۆژانەین، پرۆژەی سیادەیش لەسەر داواكردنی ماف و دادی ستەملێكراوان و جێبەجێكردنی بنەمای دادوەریی كۆمەڵایەتییە.

هەر لەو كۆنگرەی هەڵبژاردنەدا كە لەدیالە و بۆ پشتگیركردن لە خاتوونی پاڵێوراوی حزبی سیادە بۆ هەڵبژاردنە ناوخۆییەكان، مامۆستا ڕەشیدە داینی ڕێكخرابوو، پێداگریی كرد لەسەر پشتیوانیكردنی دۆزی فەلەستین دژی دوژمنكاریی سەهیۆنیی داگیركەر و پرۆتستۆی هەڵوێستی ڕێكخراوە تیرۆریستیەكانی كرد بەتایبەت ڕێكخراوی داعش كە ڕووی چەكی كردووەتە عەرب و موسڵمان و چاوپۆشیی كردووە لەو تاوانانەی قەوارەی زایۆنیزم بەرامبەر بە مافی براكانمان لە غەزە دەیكات.