شێخ خەمیس خەنجەر سەرۆكی حزبی سیادە ڕایگەیاند سەردانەكەی ڕەجەب تەیب ئەردۆغان سەرۆكی توركیا ڕەنگە ببێتە خاڵی وەرچەرخان لەمێژووی عێراقدا، چونكە ئاسۆیەكی نوێ لەهەردوو بواری ئابووری و ئەمنیدا دەكاتەوە.

شێخ خەنجەر ئاماژەی بۆئەوە كرد كە بۆ یەكەمجارە ئابووریی عێراق دەبێتە بەشێكی كاریگەر و بەشداربوویەكی سەرەكی لە بزاوتی ئابووری و ڕێڕەوە ستراتیژیە ناوچەییەكاندا، ئەمەیش لەڕێی هاوكاریی لەگەڵ وڵاتانی دراوسێ و هاوبەشەكانی لە ناوچەكەدا.

هەروەك شێخ خەنجەر جەختی كردەوە كە ئەم سەردانە یەكەم هەنگاوی عێراق دەبێت بەرەو تێكەڵاوبوونی ئابووریی لە ناوچەكەدا و بەمنزیكانە گەڕانەوەی ئەمن و ئاسایش دەبینین دوای پاككردنەوەی سنوور لە ڕێكخراوە تیرۆریستەكان، ئەمەیش ئاسۆیەكی تازە بۆ گەشەپێدان و پێشخستنی وڵات دەكاتەوە.