شێخ خەمیش خەنجەر سەرۆكی حزبی سیادە لەمیانەی ئامادەبوونی لە گردبوونەوەیەكی جەماوەریی لە قەزای تارمیە جەختی كردەوە لەوەی كە ئازادكردنی بێتاوانەكان و گەڕانەوەی ئاوارەكان دوو ئامانجن كە بایەخیان لە هەوڵدان بۆ بەدەستهێنانی پۆستی سیاسی گرنگتر و لەپێشترە.

لەو گردبوونەوە جەماوەرییەدا كە لە باكووری بەغدا ڕێكخرابوو، خەنجەر ئاماژەی دا بە پێویستیی ڕەتكردنەوەی ستەم لە فەلەستین و دووپاتیكردەوە كە ئەوەی دژی ڕاگواستنە لە فەلەستین دەبێت لە عێراقیش ڕاگواستن قبووڵ نەكات.