شێخ خەمیس خەنجەر سەرۆكی حزبی سیادە لەبارەگای خۆی لە بەغدا، پێشوازیی كرد لە سەرۆكی ئەنجومەنی پارێزگای بەغدا و ژمارەیەك لە ئەندامانی ئەنجومەنەكە.

لە دیدارێكدا باس لە ئامادەكاریەكانی ئەنجومەنی پارێزگا كرا بۆ دەستپێكردنی ئەركەكانیان و دانانی پلانی گشتگیر بۆ پێشخستنی بواری خزمەتگوزاریی لە پایتەختدا، هەروەها كاركردن بە ئاراستەی دانانی پرۆژەی ستراتیژی كە بتوانێت واقیعی بەغدا لە ئاستە جیاجیاكاندا هەستێنێتەوە.

شێخ خەنجەر پشتیوانی و پشتگیریی خۆی بۆ هەموو هەوڵێكی دامەزراندنی دەزگا و سیستمی خزمەتگوزاریی دەربڕی كە لە گشت لایەكەوە شایستەی پایتەختی زانست و ڕۆشنبیریی بێت.