شێخ خەمیس خەنجەر سەرۆكی حزبی سیادە پشتگیریی خۆی بۆ بڕیاری حكومەتەكەی محەمەد شیاع سودانی سەرۆك وەزیران ڕاگەیاند لە ڕێكخستنی پەیوەندیی عێراق بە هاوپەیمانی نێودەوڵەتییەوە بەجۆرێك كە خزمەتی بەرژەوەندییەكانی دەوڵەت و سەروەرییەكەی بكات.

شێخ خەنجەر داوای لە هەموو بەشدارانی نیشتیمان كرد، پشتیوانیی كاری لیژنەی سەربازیی عێراقی بن، جەختیشی كردەوە لە گرنگیی گفتوگۆیەكی پیشەیی بونیاتنەر بۆ پاراستنی ئاییندەی ئارام و دوور لە كاریگەرییە سیاسیەكان بۆ عێراق.

ئاماژەی بەوەیشدا كە ڕێكخستنی پەیوەندییەكان لەنێوان حكومەتی عێراق و هاوپەیمانی نێودەوڵەتیدا ئارامییەكی بەردەوامی لێدەكەوێتەوە و شەڕ و خراپەكاریی تیرۆر و مەترسیی سەر وڵات و ناوچەكە ناهێڵێت.