شێخ خەمیس خەنجەر سەرۆكی حزبی سیادە نوێژی هەینیی لە مزگەوتی حاجی دەلال كوبەیسی لە ناوچەی مەنسور لە بەغدای پایتەخت ئەنجام دا.

وتارخوێنی مزگەوتەكە گەلی عێراقی هاندا بۆ  یەكگرتن و یەكگرتوویی و خستنەلاوەی جیاوازیی نێوانیان.

هەروەك داوای سەركەوتنی بۆ گەلی فەلەستین  و هاوهەڵوێستی كرد لەگەڵ خەڵكی گەمارۆدراوی غەزەدا.

دوای وتاری هەینی شێخ خەنجەر چاویكەوت بە ژمارەیەك لەهاووڵاتیان و گوێیگرت لە داواكاری و سكاڵاكانیان.

شێخ خەنجەر داوایكرد یارمەتی  و هاوكاریی پێشكەش بە هاووڵاتیان بكرێت و داواكارییەكانیان جێبەجێ بكرێن و پەلەبكرێت لە چارەسەركردنی كێشەكانیان.