شێخ خەمیس خەنجەر زنجیرەیەك كۆبوونەوەی لە نووسینگەكەی خۆی لەبەغدا لەگەڵ بەرپرسانی پارێزگای كەركوك ئەنجامدا بۆ پێكهێنانی حكومەتی خۆجێیی پارێزگاكە.

شێخ خەنجەر گوێبیستی بیروڕای تایبەت بەئاسانكاریی پێكهێنانی ئەنجومەنی پارێزگا و دانانی پارێزگاری كەركوك و جێگرەكانی بوو.

كۆبوونەوەكان لەماوەی ڕۆژانی ڕابوردوو لەگەڵ سەركردەی پێكهاتەكانی عەرەب و توركمان و كورد بەڕێوەچوون، بۆ ئەوەی حكومەتێكی خۆجێیی پێكبهێنرێت كە داخوازیی  خەڵكی كەركوك جێبەجێ بكات. 

شێخ خەنجەر  هەموویانی هاندا بۆ  یەكگرتوویی  نێوان ڕۆڵەكانی پارێزگاكە و سەركردە سیاسییەكان و هەموان بەشداربن لەدابینكردنی ئاشتی و ئاوەدانكردنەوەدا.